Fshati ndodhet më në veri të luginës së Shalës, në mes të Alpeve me një bukuri të radhë, në Veri të Shqipërisë. Shtatëdhjetë kilometra nga qyteti i Shkodrës, i mbrojtur nga tre malet Radohima, Sheniku, Papluku, me lartësi mbi 2500m mbi nivelin e detit, shtrihet lugina e lartë e Thethit, një nga zonat më të veçanta të këtyre Alpeve, 750 deri 950 m mbi nivelin e detit, me një sipërfaqe prej 2630 hektarësh.
- Ujvara e madhe.jpg (154.42 KiB) Viewed 5574 times
Thethi rrethohet nga male të larta dhe qafa mahnitëse, duke filluar nga Qafa e Thanës, Shtegu i Dhenve, Radohima, Sheniku, Papluku, Maja e Alisë, Qafa e Pejës, Gropa e Bukur, Qafa e Jezercës, Maja e Zezë, Maja e Zorgjit, që fshehin në brendësinë e tyre ballafaqime të panumërta me alpinistë, speleologë, botanistë, gjeografë dhe shumë dashamirës të alpeve, te të cilët kjo zonë lë mbresa të pashlyeshme.
Fshatrat e kësaj zone shtrihen në të dy anët e lumit nga Okoli deri në Grunas, ku spikasin shtëpitë karakteristike që të gërshetuara me sfondin alpin, të shfaqen si peizazhe të papërsëritshme dhe të papara ndonjëherë.
- Thethi.jpg (98.26 KiB) Viewed 5574 times
Turizmi
- Alpbes Theth Shtepi Pushimi.jpg (298.2 KiB) Viewed 5574 times
Alpbes Theth Shtepi Pushimi - Eshte nje Guest House ne Theth, eshte shtepia e Pjeter Vuksanaj. Aty do te gjeni mikpritje e bujari, komoditet e siguri. E gjendur ne nje pozicion gjeografik ku mund te shikohet e gjithe lugina e Thethit. Vendi ideal per tu akomoduar gjate vizites tuaj ne Theth. Mund te akomodohen lehtesisht ne dhomat e shtepise individ, grupe e familje.
Ambjente te bollshme brenda e jashte, free WiFi , lojra per femije etj.
Nese pelqeni fjetjen ne natyre , ofrojne vende te sigurta per Camping, çadra te ndertuara, dushe e ambjente pushimi.
Mrekullia e natyres e ka emrin Theth - mrekulli qe duhet vizituar - e per ta shijuar maksimalisht - duhet komoditeti e sherbimi qe ofron Alpbes Theth Shtepi Pushimi
Vend fantastik-njerez fantastik-ushqim fantastik.
Mezi pres te kthehem perseri !
Alpbes Theth Shtepi Pushimi mund ta gjeni edhe ne facebook: https://www.facebook.com/alpbes.shtepipushimi
- Maja e Arapit nga Okoli.jpg (102.19 KiB) Viewed 5574 times
Pasuritë natyrore të kësaj zone janë të lidhura së bashku edhe me trashëgiminë kulturore dhe historike të banorëve vendas, duke formuar kështu, bazat më të rëndësishme për zhvillimin e turizmit. Lidhur me këtë fakt ka shkruar edhe alpinisti Georg Heinshemer, i cili e ka konsideruar Thethin, padyshim, vendin më të përshtatshëm për turizëm ndër Bjeshkët e Veriut të Shqipërisë, duke e krahasuar atë me viset e bukura të Tirolit, Austri.
Ndërsa për banorët e kësaj zone, Dr. Franc Nopca ka shkruar se ”po t’u biesh në besë, në asnjë vend tjetër të botës nuk do të ndihesh më i sigurt”. Resurset natyrore i dallon çdo vizitor, sa lë Grykën e Ndërlysës dhe ballafaqohet me mrekullinë e kanionit të Grunasit që është rreth 2 km i gjatë, 40 deri 60 m i thellë dhe vetëm 2 deri në 3 m i gjerë.
Përveç kanionit, në Theth gjenden një numër i konsiderueshëm shpellash, por ato që kanë tërhequr vëmendjen e shumë alpinistëve, speleologëve, gjeografëve etj, janë Shpella e Harapit dhe Bira e Rrathëve, të cilat me përmasat e tyre dhe dukuritë interesante që mbartin brenda tyre si liqenet nëntokësore, galeri, sifone etj., janë bërë shkak i shumë legjendave të krijuara nga vetë banorët e zonës. Një bukuri natyrore, të veçantë, të bjeshkëve të veriut, shpalos në këtë zone, Ujëvara e Thethit me lartësi 25 m, ku së bashku me cirqet përreth dhe Mullirin e Blojës, formojnë një nga vendet më interesante për t’u vizituar. Por jo më pak tërheqës është edhe vendburimi i lumit të Shalës në Okol, burimet e të cilit nxjerrin 2.5 deri në 3 m kub ujë në sekondë, që vë në punë një hidrocentral të vogël dhe 12 mullinj, që shërbejnë për ujë të pijshëm, cilësia dhe pastërtia e të cilit është për t’u admiruar.
