LIGJI PER SHOQERITE E BASHKEPUNIMIT RECIPROK - Nr.8088, datë 21.3.1996

[Libraria UBT]

LIGJI PER SHOQERITE E BASHKEPUNIMIT RECIPROK - Nr.8088, datë 21.3.1996

I azhurnuar me ndryshimet:
• Ligjin Nr.9039, date 27.3.2003
• Ligjin Nr.9747, datë 31.5.2007

Në mbështetje të nenit 16 të ligjit nr. 7491, datë 29.4.1991"Për dispozitat kryesore Kushtetuese", me propozimin e Këshillit të Ministrave

KUVENDI POPULLOR I REPUBLIKES SE SHQIPERISE V E N D O S I:

KREU I
DISPOZITA TE PERGJITHSHME

Neni 1
Përkufizim
Shoqëritë e bashkëpunimit reciprok janë bashkime vullnetare të personave fizikë ose
juridikë, për kryerjen e veprimeve ekonomike në fusha të ndryshme.

Neni 2
Ligjet e referimit
Shoqëritë e bashkëpunimit reciprok rregullohen nga dispozitat e këtij ligji. Shoqëri të bashkëpunimit reciprok për fusha veprimtarie të caktuara mund të rregullohen me ligje të veçanta.

Neni 3
Pavarësia në marrjen e vendimeve
Shoqëritë e bashkëpunimit reciprok janë të lira të ushtrojnë veprimtarinë e tyre dhe të
marrin vendime përkatëse, brenda kuadrit të akteve ligjore e nënligjore.

Neni 4
Personaliteti juridik
Shoqëritë e bashkëpunimit reciprok janë persona juridikë. Çdo shoqëri e bashkëpunimit reciprok ka vulën e saj.

Neni 5
Afati i veprimtarisë
Shoqëritë e bashkëpunimit reciprok duhet të caktojnë afatin e veprimtarisë në statutet e
tyre. Shoqëria mund të vendosë zgjatjen ose përsëritjen e afatit të caktuar.

Neni 6
Territori
Shoqëritë e bashkëpunimit reciprok kanë territorin e tyre përkatës, shtrirja e të cilit përcaktohet në statutin e shoqërisë.

Neni 7
Selia
Shoqëritë e bashkëpunimit reciprok kanë selinë e tyre, e cila përcaktohet në statutin e shoqërisë.

Neni 8
Emërtimi
Shoqëritë e bashkëpunimit reciprok kanë emërtimin e tyre që caktohet në statut. Emërtimi i shoqërisë në shkresat, publikimet dhe të gjitha dokumentet e saj duhet të paraprihet nga fjalët "shoqëritë e bashkëpunimit reciprok", pas të cilave shënohet emri i saj dhe numri i regjistrimit, i marrë nga organi i ngarkuar me ligj të veçantë për regjistrimin e tyre.

Neni 9
Objekti
Objekti i veprimtarisë së shoqërisë së bashkëpunimit reciprok është realizimi i veprimtarisë ekonomike bashkërisht nga anëtarët e saj. Veprimtaritë ekonomike mund të jenë të ndryshme, si në fushën e prodhimit, të shitblerjes së mallrave, në fushën e shërbimeve, të kreditit, në fushën e ndërtimeve, si dhe në të gjitha fushat e tjera. Qëllimi i veprimarisë së shoqërisë së bashkëpunimit reciprok është ndihma e ndërsjellë e anëtarëve që bëjnë pjesë në to.

Neni 10
Kryerja e veprimeve
Shoqëritë e bashkëpunimit reciprok mund të kryejnë vetëm veprime që përfshihen në objektin e veprimtarisë së përcaktuar në statutin e tyre, si dhe çdo veprim tjetër të nevojshëm për plotësimin e këtij objekti.

Nenin 11
Bashkimi i shoqërive
Shoqëritë e bashkëpunimit reciprok mund të formojnë ndërmjet tyre bashkime ose shoqëri te reja, të cilat rregullohen nga ky ligj. Llojet e bashkimeve të shoqërive të bashkëpunimit reciprok, emërtimet, qëllimet dhe objekti i veprimtarisë përcaktohet në statutet e tyre.

Neni 12
Pjesëmarrja
Shoqëritë e bashkëpunimit reciprok mund të marrin pjesë e të jenë anëtarë në bashkimet e shoqërive të bashkëpunimit reciprok a në çdo shoqëri tjetër, ose të krijojnë edhe shoqëri të reja në përputhje me kërkesat e ligjit përkatës.

Neni 12/1
Statuti i shoqërisë
Shoqëritë e bashkëpunimit reciprok kane statutin e tyre, i cili përmban, veç te tjerave, edhe:
a) emrin dhe selinë e shoqërisë;
b) objektin e shoqërisë;
c) rregullat qe përcaktojnë nëse anëtarët e shoqërisë bëjnë pagesa shtese, ne mënyrë te pakufizuar/te kufizuar, deri ne një shume te caktuar (kufiri maksimal i detyrimit), për pasurinë, qe është objekt i falimentimit, ne rastin kur kreditoreve nuk mund t'u përmbushen detyrimet gjate procesit te falimentimit;
ç) rregullat për formën e thirrjes se asamblesë se përgjithshme te anëtarëve, rregullat e dokumentimit me shkrim te vendimeve, rregullat për drejtuesin e asamblesë se përgjithshme. Thirrja e asamblesë se përgjithshme behet nëpërmjet njoftimit te anëtarëve nga organi i shoqërisë ose nëpërmjet njoftimit ne organet e medies;
d) rregullat për formën e njoftimeve te shoqërisë, si dhe rregullat për njoftimin ne organet e medies;
dh) sasinë e kontributeve qe derdh secili anëtar (kuotat e kapitalit), si dhe pagesat për do
kuote kapitali, për te cilat është i detyruar çdo anëtar;
e) krijimin e rezervave te përmendura ne nenet 43 e 44;
ë) rregullat sipas se cilave veprimtaria e shoqërisë kufizohet për një periudhe te caktuar kohe;
f) lidhjen qe ekziston ndërmjet anëtarësimit dhe zgjatjes se tij me vendqëndrimin brenda një qarku te caktuar;
g) rregullat për rrethanat ne te cilat asambleja e përgjithshme nuk merr vendime me
shumice te thjeshte votash;
gj) rastet e përjashtimit te anëtarëve nga shoqëria;
h) kriteret e shpërndarjes se kontributeve ne natyre.

Neni 13
Veprimet me të tretët
Shoqëritë e bashkëpunimit reciprok i kryejnë veprimet me anëtarët e shoqërisë, ose edhe me persona të tretë, që nuk janë anëtarë të shoqërisë, sipas përcaktimeve të parashikuara në statutet e tyre.
Shoqëritë e bashkëpunimit reciprok lejohet të kryejnë veprime me persona të tretë që nuk janë anëtarë të shoqërisë vetëm në kushtet që vijojnë:
- Veprimet me të tretët duhet të përputhen me veprimet që figurojnë në objektin e
veprimtarisë së shoqërisë së bashkëpunimit reciprok.
- Veprimet me të tretët nuk mund të kryhen në kushte më të favorshme për të tretët në
raport me anëtarët e shoqësisë.
- Xhiroja e secilës veprimtari, që përcaktohet në statutin e shoqërisë së bashkëpunimit
reciprok, duhet të realizohet jo më pak se gjysma me anëtarët e shoqërisë dhe vetëm pjesa
tjetër me persona të tretë.
- Veprimet e realizuara me personat e tretë duhet të kontabilizohen në veçanti e qartë.


KREU II
ANETARET E SHOQERISE

Neni 14
Anëtarët
Anëtarë të shoqërisë së bashkëpunimit reciprok janë persona fizikë ose juridikë, të cilët dëshirojnë të realizojnë bashkërisht veprime ekonomike në gjirin e shoqërisë dhe që pranojnë statutin e miratuar nga shoqëria e bashkëpunimit reciprok.

Neni 15
Numri i anëtarëve
Shoqëria e bashkëpunimit reciprok, për tþu themeluar, duhet të ketë jo më pak se 3 anëtarë. Numri i anëtarëve të shoqërisë gjatë qenies së saj mund të rritet pa asnjë kufizim. Ky numër mund edhe të pakësohet, por gjithmonë me kusht që të mbeten me pak se 7 anëtarë të shoqërisë. Kur shoqërisë i mbeten jo më pak se 7 anëtarë dhe numri i tyre nuk plotësohet gjatë një viti, shoqëria prishet. Bashkimet e shoqërive të bashkëpunimit reciprok, për tþu themeluar, duhet të kenë jo më
pak se dy shoqëri të tilla.

Neni 16
Kushtet e pranimit
Anëtar i shoqërisë së bashkëpunimit reciprok mund të bëhet çdo person izik ose juridik që plotëson kushtet për pranim, të përcaktuara në statutin e shoqërisë. Kërkesa për pranim bëhet me shkrim dhe i paraqitet për shqyrtim këshillit administrativ të shoqërisë, i cili është organi kompetent që vendos pranimin ose jo të kërkesës.

Neni 17
Humbja e cilësisë se anëtari
Anëtarësimi ne shoqëri humbet kur anëtari heq dore, përjashtohet nga shoqëria ose vdes. Çdo anëtar është i detyruar te njoftoje me shkrim, te paktën tre muaj me pare, heqjen dore nga shoqëria. Largimi nga shoqëria behet vetëm ne fund te vitit fiskal. Anëtari i shoqërisë se bashkëpunimit reciprok qe jep dorëheqjen ose qe përjashtohet, mbetet i detyruar ndaj detyrimeve te shoqërisë për një periudhe prej pese vjetësh ne raport me pjesët qe ka ai ne kapitalin e shoqërisë.
Duke filluar nga çasti i njoftimit te vendimit për largim, anëtari nuk mund te marre me pjese ne asamblenë e përgjithshme dhe nuk mund te jete me anëtar i këshillit administrativ ose i këshillit mbikëqyrës.

Neni 18
Regjistrimi i pranimeve
Shoqëria e bashkëpunimit reciprok mban një regjistër, i cili përmban datën e pranimit të
çdo anëtari, si dhe datën në të cilën ai humbet cilësinë e anëtarit.

Neni 19
Të drejtat dhe detyrimet
Anëtarët e shoqërisë së bashkëpunimit reciprok kanë të drejta dhe detyra të barabarta, me përjashtim të rasteve të parashikuara në këtë ligj. Të drejtat dhe detyrat e anëtarëve të shoqërisë parashikohen në statutin e saj.

Neni 20
Masat disiplinore
Llojet e masave disiplinore që merren ndaj anëtarëve të shoqërisë përcaktohen në statutin e saj. Masa më e rëndë disiplinore është përjashtimi nga shoqëria e bashkëpunimit reciprok.
Masat disiplinore jepen për shkeljet e parashikuara në statutin e shoqërisë.


KREU III
ORGANET E SHOQERISE

Neni 21
Organet drejtuese
Organet e shoqërisë së bashkëpunimit reciprok janë asambleja e përgjithshme, këshilli administrativ dhe këshilli mbikëqyrës. Në rastin e një shoqërie me shtrirje territoriale të madhe, statute mund të parashikojë si organe edhe asamblenë rajonale.

Neni 22
Asambleja e përgjithshme
Asambleja e përgjithshmne përbëhet nga gjithë anëtarët e shoqërisë dhe është organi vendimor i shoqërisë. Vendimet e asamblesë janë të detyrueshme për çdo anëtar të shoqërisë së bashkëpunimit reciprok.
Mbledhja e asamblesë së përgjithshme është e vlefshme, kur në të marrin pjesë më shumë se tre të katërtat e numrit të anëtarëve. Vendimet e mbledhjes së asamblesë së përgjithshme janë të vlefshme, kur miratohen nga shumica e anëtarëve të pranishëm. Asambleja e përgjithshme është e zakonshme ose e jashtëzakonshme. Asambleja epërgjithshme e zakonshme vjetore thirret një herë në vit nga këshilli administrativ. Asambleja e përgjithshme e jashtëzakonshme thirret nga këshilli administrativ ose nga këshilli mbikëqyrës ose kur atë e kërkon të paktën 1/3 e numrit të përgjithshëm të
anëtarëve të shoqërisë së bashkëpunimit reciprok. Asambleja e përgjithshme e zakonshme thirret nga këshilli administrativ ose nga këshilli mbikëqyrës, ose kur kërkohet nga 1/10 e numri të përgjithshëm të anëtarëve.

Neni 23
E drejta e votës
Çdo anëtar i shoqërisë së bashkëpunimit reci prok, në kohën e ushtrimit të veprimtarisë së asamblesë së përgjithshmne, ka të drejtën e një vote. Në bashkimet e shoqërive të bashkëpunimit reciprok e drejta për numrin e votave që do të ketë çdo anëtar, caktohet në statutet e tyre. Nëse një anëtar nuk merr ose nuk mund te marre pjese ne asamblenë e përgjithshme,
autorizon me prokure te posaçme një person tjetër te ushtroje te drejtën e votës se tij ne asamblenë e përgjithshme.

Neni 24
Shpërblimi i funksioneve
Funksionet e anëtarëve të shoqërisë në organet e ndryshme të saj ushtrohen, si rregull, pa pagesë. Shpenzimet që anëtarët bëjnë gjatë ushtrimit të këtyre funksioneve, paguhen. Në statutet e shoqërive të bashkëpunimit reciprok, kur është e nevojshme, caktohen funksionet e pagueshme.

Neni 25
Asambleja e përgjithshme e zakonshme vjetore
Asambleja e përgjithshme e zakonshme vjetore mblidhet Brenda katër muajve pas mbarimit të veprimtarisë së vitit kalendarik. Ajo shqyrton raportin e gjendjes financiare të shoqërisë, raportin e veprimtarisë së këshillit administrativ, si dhe të gjitha çështjet e tjera të veprimtarisë ekonomike e të drejtimit, që çmohen të rëndësishme prej saj. Për çështjet që shqyrton, asambleja merr vendimet përkatëse. Anëtarët e shoqërisë së bashkëpunimit reciprok mund të mblidhen në çdo kohë në një asamble të përgjithshme të zakonshme, për të marrë vendime për çështje të tjera nga ato
që janë kompetencë e asamblesë së përgjithshme të jashtëzakonshme.

Neni 26
Asambleja e përgjithshme e jashtëzakonshme
Asambleja e përgjithshme e jashtëzakonshme mblidhet në çdo kohë, si në rastet kur paraqitet nevoja që të vendosë për ndryshimin e statutit të shoqërisë, për prishjen e shoqërisë, për transformimin e shoqërisë në një formë tjetër, ose për pjesëmarrjen në bashkimet e shoqërive të bashkëpunimit reciprok.

Neni 27
Asambleja rajonale
Asambleja rajonale mblidhet në çdo rajon para asamblesë së përgjithshme, për të debatuar në lidhje me çështjet e rendit të ditës të asamblesë së përgjithshme, por nuk merr vendim për to. Asambletë rajonale caktojnë të deleguarit që përfaqësojnë anëtarët e shoqërisë në asamblenë e përgjithshme. Numri i të deleguarve të çdo rajoni caktohet nga
këshilli administrativ i shoqërisë së bashkëpunimit reciprok.

Neni 28
Këshilli administrativ
Këshilli administrativ përbëhet nga jo më pak se tre anëtarë, që zgjidhen nga asambleja e përgjithshme ndër anëtarët e shoqërisë, për një periudhë të caktuar në statut dhe që mund të hiqen në çdo kohë prej saj. Këshilli administrativ zgjedh nga gjiri i tij kryetarin dhe zëvendësin e tij. administrativ, periudhën e veprimtarisë dhe për shkarkimin e anëtarëve të këshillit
administrativ caktohen në statut.
Këshilli administrativ është organi administrativ i shoqërisë, i cili administron shoqërinë sipas orientimeve të vendosura nga asambleja e përgjithshme dhe jep llogari para saj. Këshilli administrativ thirret në mbledhje nga kryetari ose zëvendëskryetari jo më pak se një herë në muaj. Kryetari i këshillit administrativ përfaqëson shoqërinë në marrëdhëniet
me të tretët. Ne statut parashikohet mënyra e zëvendësimit te tij me anëtarë te tjerë te këshillit administrativ.
Anëtarët e këshillit administrativ te shoqërisë përgjigjen personalisht për demet qe kane
shkaktuar për shkak te mospërmbushjes se detyrimeve.

Neni 29
Këshilli mbikëqyrës
Këshilli mbikëqyrës është organ i kontrollit te shoqërisë mbi veprimtarinë administrative dhe financiare te saj. Këshilli mbikëqyrës përbëhet nga tre anëtarë qe zgjidhen prej asamblesë se përgjithshme nga radhët e anëtarëve te shoqërisë. Nëse është e nevojshme, asambleja e përgjithshme mund te zgjedhe me shume se tre anëtarë për këshillin
mbikëqyrës. Zëvendësimi i anëtarëve te këshillit mbikëqyrës, edhe para përfundimit te periudhës kohore për te cilën është zgjedhur, behet nga asambleja e përgjithshme me tre te katërtat e votave te anëtarëve te pranishëm.
Anëtarët e këshillit mbikëqyrës nuk lejohen qe ne te njëjtën kohe te jene anëtarë te këshillit administrativ, me përjashtim te rasteve kur shoqëria përbëhet nga me pak se gjashte anëtarë.
Këshilli mbikëqyrës nuk merr asnjë vendim dhe nuk mund te japë asnjë sanksion. Çdo vit ai i paraqet asamblesë se përgjithshme te zakonshme vjetore një raport për drejtimin e veprimtarisë ekonomike e financiare te shoqërisë . Këshilli mbikëqyrës mund t'i paraqesë një raport te tille çdo asambleje te përgjithshme, ose mund te thërrasë një asamble te
zakonshme ose te jashtëzakonshme për çdo problem te rëndësishëm qe çmon se duhet diskutuar.
Këshilli mbikëqyrës mund te kërkojë ne çdo kohe raport nga këshilli administrativ për veprimtarinë e tij dhe te shohë ose te ngarkoje anëtarët e tjerë për te pare dokumentet e shoqërisë.
Detyrat e tjera te këshillit mbikëqyrës përcaktohen ne statut.
Anëtarët e këshillit mbikëqyrës nuk mund t'ua delegojnë ushtrimin e detyrave te veta personave te tjerë.
Këshilli mbikëqyrës mund te pezulloje anëtarët e këshillit administrativ deri ne një
vendim te asamblesë se përgjithshme qe thirret menjëherë dhe merr vendimet e duhura
për shkak te vazhdimit te veprimtarisë.


KREU IV
KAPITALI I SHOQERISE

Neni 30
Kapitali
Shoqëria e bashkëpunimit reciprok ka kapitalin e saj, i cili përbëhet nga shuma e përgjithshme e pjesëve (kontributeve) që derdhin anëtarët e shoqërisë. Vlera e pjesëve të kapitalit caktohet në statutin e shoqërisë.

Neni 31
Përbërja e kapitalit
Kapitali i një shoqërie të bashkëpunimit reciprok është i përbërë nga një numër pjesësh (kontributesh) që janë nominative dhe që kanë secila të njëjtën vlerë. Vlera e pjesëve të kapitalit, e caktuar në statutin e shoqërisë së bashkëpunimit reciprok,
në asnjë rast nuk mund të rivlerësohet, duke përfshirë në to fondet e reze rvave të krijuara
ose në çdo pasuri tjetër të krijuar nga shoqëria gjatë veprimtarisë së saj.

Neni 32
Ndryshimi i kapitalit
Kapitali i shoqërisë së bashkëpunimit reciprok mund të ndryshojë në rritje a në zbritje, në
bazë të numrit të anëtarëve të shoqërisë dhe të pjesëve të kapitalit që ka çdo anëtar në
kapitalin e shoqërisë.

Neni 33
Kufiri i uljes së kapitalit
Gjendja neto e kapitalit të shoqërisë së baskëpunimit reciprok përbëhet nga kapitali i saj dhe nga fondet e rezervave ose pasuritë e tjera që rezultojnë pas zbritjes së humbjeve të veprimtarisë së shoqërisë. Gjendja neto e kapitalit të shoqërisë nuk mund të ulet nën 3/4 e gjendjes neto maksimale të kapitalit të konstatuar nga një asamble e përgjithshme.

Neni 34
Nënshkrimi i pjesëve të kapitalit për pranim
Anëtari i shoqërisë së bashkëpunimit reciprok duhet të nënshkruajë një ose disa pjesë të kapitalit. Pjesët e kapitalit të shoqërisë kanë vlerë të njëjtë. Numri i pjesëve për të qenë anëtar i shoqërisë caktohet në statutin e çdo shoqërie dhe nuk varet nga veprimtaritë që anëtari i shoqërisë kryen me shoqërinë. Ky numër është i njëjtë për çdo person që kërkon
të pranohet anëtar i shoqërisë ose për çdo anëtar të pranuar. Pjesët e kapitalit të nevojshëm për pranimin e çdo anëtari në shoqërinë e bashkëpunimit reciprok nuk shpërblehen. Pjesët e tjera të kapitalit që nuk janë të nevojshme për pranimin e anëtarit në shoqërinë e bashkëpunimit reciprok, shpërblehen dhe janë të kthyeshme.

Neni 35
Pagimi i pjesëve të kapitalit
Në statutin e shoqërisë mund të parashikohen kushtet e nënshkrimit dhe të pagimit të pjesëve të kapitalit, për garanci të veprimeve që anëtarët kryejnë me shoqërinë e bashkëpunimit reciprok.

Neni 36
Shpërblimi i pjesëve të kapitalit
Asnjë e ardhur nga veprimtaria e shoqërisë nuk u shtohet pjesëve të kapitalit të shoqërisë së bashkëpunimit reciprok.

Neni 37
Kontributi në natyrë
Pjesët e kapitalit të shoqërisë së bashkëpunimit reciprok mund të jepen në lekë ose në natyrë. Ato shlyhen plotësisht, kur paguhen lekët ose kur kontributi në natyrë vlerësohet nga ekspertët përkatës dhe vihet në dispozicion të shoqërisë.

Neni 38
Transferimi i pjesëve të kapitalit
Pjesët e kapitalit të shoqërisë trashëgohen. Ato mund të blihen nga persona të tretë ose nga anëtarë të shoqërisë. Në këto raste transferimet e pjesëve të kapitalit duhet të autorizohen paraprakisht nga këshilli administrativ i shoqërisë së bashkëpunimit reciprok.

Neni 39
Kushtet e kthimit te pjesëve te kapitalit
Pjesa e kapitalit te shoqërisë, qe i përket anëtarit qe largohet nga shoqëria, përcaktohet sipas gjendjes se pasurisë te shoqërisë dhe numrit te anëtarëve. Ndarja behet ne baze te bilancit te fundit.

Neni 40
Regjistri i pjesëve të kapitalit
Çdo shoqëri e bashkëpunimit reciprok mban një regjistër me emrat e anëtarëve pronarë të pjesëve të kapitalit të shoqërisë së bashkëpunimit reciprok. Në këtë regjistër shënohen datat e dhënies e të pagesës së pjesëve,
si dhe ndryshimet e pronarit të tyre.


KREU V
DISPOZITAT FINANCIARE

Neni 41
Veprimtaria financiare
Veprimtaria financiare vjetore e shoqërisë së bashkëpunimit reciprok fillon më 1 janar dhe mbaron më 31 dhjetor të çdo viti.
Bilanci vjetor duhet te kontrollohet nga një ekspert kontabël i miratuar, i cili caktohet nga asambleja e përgjithshme dhe ka te drejte te marre pjese ne mbledhjen e asamblesë se përgjithshme pa te drejte vote.

Neni 42
Analiza e veprimtarisë
Këshilli administrativ i shoqërisë së bashkëpunimit reciprok harton raportin e administrimit, përpilon inventarët dhe llogaritë vjetore në përputhje me dispozitat përkatëse të ligjit për kontabilitetin dhe ia paraqet për miratim asamblesë së përgjithshme, brenda një afati prej tre muaj deri ne katër muaj, duke filluar nga data e mbylljes së
veprimtarisë financiare vjetore.

Neni 43
Fondi i rezervës për mbulimin e rreziqeve
Shoqëria e bashkëpunimit reciprok gjatë çdo veprimtarie fitimprurëse detyrohet të mbajë një shumë të hollash që përcaktohet në statut për krijimin e fondit për mbulimin e Këto rezerva mund te përdoren vetëm për mbulimin e humbjeve te shkaktuara nga rreziqet. Shoqëria e bashkëpunimit reciprok mund te parashikoje ne statut, kur e shikon te nevojshme, krijimin e rezervave te tjera. Ne këtë rast statuti përcakton shumën qe do te paguhet për këtë fond dhe subjektin qe përdor fondin.

Neni 44
Fondi i rezervës ligjore
Shoqëria e bashkëpunimit reciprok për krijimin e fondit të rezervës ligjore depoziton për çdo vit 1/10 (një të dhjetën) e fitimit neto të shoqërisë, derisa fondi i rezervës ligjore të barazohet me vlerën maksimale të kapitalit të konstatuar gjatë një asambleje të përgjithshme vjetore të shoqërisë së bashkëpunimit reciprok. Për këtë fond vendos asambleja e përgjithshme.

Neni 45
I shfuqizuar
Neni 46
I shfuqizuar
Neni 47
I shfuqizuar

Neni 48
Mosprekja e rezervave financiare
Rezervat e shoqërisë së bashkëpunimit reciprok, ciladoqoftë natyra e tyre, nuk mund tþu shpërndahen anëtarëve të shoqërisë. Ato nuk u shpërndahen anëtarëve edhe në rastin e largimit të tyre nga shoqëria.

Neni 49
Përdorimi i fitimit neto
Asambleja e përgjithshme vjetore, pasi verifikon shlyerjen e detyrimeve te shoqërisë, te cilave u ka mbërritur afati i skadimit, vendos për përdorimin e fitimit neto, i cili do te përdoret vetëm për:
1. krijimin e rezervave te përcaktuara, sipas rregullave te statutit;
2. shpërblimet për veprimtarinë qe anëtarët kane kryer me shoqërinë e bashkëpunimit reciprok;
3. vlerën qe do te paguhet për prodhimet dhe shërbimet e realizuara nga anëtarët e shoqërisë ose për te ulur kostot e blerjes se pasurisë, shërbimeve, si dhe për shlyerjen ekredive. Ne statut përcaktohet radha e mëtejshme e shpërndarjes.

Neni 50
Shpërblimet sipas veprimtarisë
Pjesa e fitimit e caktuar për shpërblimet e anëtarëve të shoqërisë mund t'u ndahet atyre vetëm në mënyrë përpjesëtimore me veprimet që ata kanë realizuar me shoqërinë e bashkëpunimit reciprok.

Neni 51
Mbulimi i humbjeve
Në rast se veprimtaria e shoqërisë së bashkëpunimit reciprok del me humbje, ato mbulohen me fondet e krijuara posaçërisht për këtë qëllim. Kur këto fonde mbarohen, humbjet mbulohen nga rezervat ose fonde te tjera te parashikuara ne startit. Në rast të mbarimit të rezervave, humbjet mbulohen nga kapitali i shoqërisë. Nëse ky kapital do të ulet, për këtë shkak më poshtë se tre të katërtat e shumës maksimale të kapitalit të konstatuar gjatë një asambleje të përgjithshme vjetore, prishja e shoqërisë do të shpallet nga asambleja e përgjithshme që konstaton këtë ulje, por vetëm nëse anëtarët e shoqërisë nuk do të vendosin të nënshkruajnë pjesë të reja të kapitalit, ose të rritin vlerën nominale të pjesëve a të japin brenda një muaji shumat përkatëse për të mbuluar humbjen. Pas këtij afati, nëse nuk veprohet për mbulimin e humbjeve, asambleja e përgjithshme njofton prishjen e shoqërisë.


KREU VI
REGJISTRIMI E MIRATIMI

Neni 52
Kërkesat për regjistrim
Kërkesa për regjistrimin e shoqërisë së bashkëpunimit reciprok duhet të bëhet nga kryetari i këshillit administrativ të shoqërisë dhe depozitohet pranë organit të ngarkuar me ligj të veçantë për regjistrimin. Aplikimi për regjistrimin e shoqërisë duhet të paraqitet së bashku me statutin e saj.
Firmat që figurojnë në kërkesën për regjistrimin e shoqërisë së bashkëpunimit reciprok dhe firmat që figurojnë në statutin e saj, duhet të vërtetohen si autentike nga noteri.

Neni 53
Plotësimi i regjistrit
Deklarohen dhe regjistrohen lloji, kohëzgjatja, nëse kjo është përcaktuar, emërtimi, selia, objekti i veprimtarisë, vlera e pjesëve të kapitalit dhe emrat, mbiemrat, datëlindjet dhe vendlindjet e anëtarëve të këshillit administrativ.
Depozitohen në aneksin e regjistrit kërkesa dhe statuti i shoqërisë së bashkëpunimit reciprok.

Neni 54
Shoqëria e bashkëpunimit reciprok regjistrohet pranë organit të ngarkuar me ligj të veçantë për regjistrimin e tyre.
Procedurat, afatet e regjistrimit dhe procedura ankimore kundër vendimit, që refuzon regjistrimin e shoqërisë së bashkëpunimit reciprok, rregullohen sipas procedurave të parashikuara me ligj të veçantë.


KREU VII
DISPOZITA E FUNDIT

Neni 55
Përjashtimi nga tatimet
Shoqëria e bashkëpunimit reciprok është e tatueshme. Përjashtohen nga tatimet shoqëritë e bashkëpunimit reciprok ne fushën e prodhimit bujqësor dhe blegtoral për pese vitet e para te veprimtarisë se tyre. Këto shoqëri e humbasin këtë te drejte kur ato bashkohen me shoqëri te tjera qe nuk janë te përjashtuara nga tatimet.

Neni 56
Shpërndarja
Shpërndarja e shoqërisë së bashkëpunimit reciprok mund të bëhet me vendim të një asambleje të përgjithshme të jashtëzakonshme ose mund të shpallet nga një asamble vjetore, e cila konstaton uljen e kapitalit social më poshtë se tre të katërtat e shumës maksimale të kapitalit të konstatuar nga një asamble e përgjithshme vjetore. Likuidimi kryhet nga një likuidues i caktuar nga asambleja që ka vendosur shpërndarjen. Shpërndarja e shoqërisë mund të bëhet edhe me mbarimin e afatit të saj, me realizimin e objektit të shoqërisë, me vullnetin e gjithë anëtarëve ose për shkaqe të parasikuara në statutin e saj.

Neni 57
Likuidimi
Likuidimi i shoqërisë bëhet nga një ose disa likuidues tëemëruar nga asambleja e përgjithshme që ka vendosur
shpërndarjen e shoqërisë. Detyrimet dhe përgjegjësitë e likuiduesve rregullohen në bazë të rregullave të
miratuara nga Asambleja e Përgjithshme.

Neni 58
Përdorimi i kapitalit për kthimin e borxheve
Kapitali i shoqërisë dhe fondet e saj gjatë likuidimit të shoqërisë përdoren përparësisht për të paguar detyrimet e shoqërisë. Pjesët sociale të kapitalit të shoqërisë paguhen pjesërisht ose tërësisht, vetëm pasi të jenë paguar të gjitha detyrimet e shoqërisë së bashkëpunimit reciprok ndaj të tretëve.

Neni 59
Përgjegjësia financiare e anëtarëve të shoqërisë
Në rastin kur detyrimet e shoqërisë së bashkëpunimit reciprok nuk mund të shlyhen me pasurinë e saj që rrjedh nga likuidimi, anëtarët e shoqërisë përgjigjen për detyrimet e pashlyera deri në dyfishimin e vlerës nominale të pjesëve të tyre që kanë në kapitalin e shoqërisë të përcaktuara në statut.

Neni 60
Mbetjet pas likuidimit
Pas likuidimit te te gjitha detyrimeve dhe pagesës se pjesëve te kapitalit, ne rast se
rezulton një mbetje, ajo ndahet ndërmjet anëtarëve te shoqërisë.

Neni 61
Hyrja në fuqi
Ky ligj hyn në fuqi 15 ditë pas botimit në Fletoren Zyrtare.


Shpallur me dekretin nr.1442, datë 5.4.1996 të Presidentit të Republikës së Shqipërisë, Sali Berisha